Estimulación da linguaxe

Bo día!

Neste apartado, faremos diversas propostas para potenciar a expresión oral e comprensión da linguaxe. 👄💭💬

A continuación deixámosvos unha serie de xogos para favorecer estes aspectos de forma lúdica na casa segundo a etapa educativa:

• EDUCACIÓN INFANTIL:

1. Absurdos visuais. Neste xogo aparecen unhas imaxes que esconden situacións inimaxinables, espertando así o interese de pequenos e grandes. Son ideais para a estimulación da linguaxe. Podedes atopalas aquí.

2. Cambiamos a voz? O obxectivo principal deste xogo é traballar a expresión oral a través do cambio de voz con diferentes personaxes, aínda que tamén é un bo motivador para a lectura. Ademais, podemos facer diferentes xogos como adiviñar películas, contar historias, describir imaxes ou adiviñar que personaxe estou imitando. Descargade o xogo aquí.

3. Contamos contos. Estratexias para traballar a expresión oral a través dos contos empregando conectores e apoios visuais. Preme aquí.

• 1º E 2º DE EDUCACIÓN PRIMARIA:

1. Tarxetas de adiviñas. Cas adiviñas traballamos a memoria, potenciamos o exercicio mental e fomentamos a imaxinación. Tamén poñemos en marcha a intelixencia lingüística coa expresión oral, traballamos a rima e aprendemos aspectos relacionados coa linguaxe literaria e sobre as súas estruturas. Podes descargalas pinchando aquí.

2. Descricións. Material composto de 40 tarxetas con pictogramas de obxectos diferentes, acompañadas de 3 preguntas: "Que é?", "Para que serve?" e "Como se emprega?". Ademais de poñer en práctica a expresión e comprensión oral, tamén poderemos traballar o léxico e a súa categorización. Preme aquí.

3. Dados para contar historias. Dados para crear as nosas historias. Na rede hai moitos recursos deste tipo, pero aquí vos deixamos un exemplo para crear os vosos. Tírase o dado por quendas e xuntos inventamos unha historia incrible. Descarga o recurso aquí.

• 3º E 4º DE EDUCACIÓN PRIMARIA

1. Tabú. Clásico xogo de mesa do Tabú, que pretende axudar a mellorar a expresión e interacción oral do alumnado. As tarxetas azuis conteñen léxico sinxelo e as rosas léxico algo máis complexo. Para descargar, preme aquí.

2. Quen é quen? Adaptación do clásico xogo, con taboleiros diferentes e máis divertidos. Preme aquí.

3. Que pensas? Tarxetas con descricións, gustos, emocións, preferencias e opinións dunha forma lúdica. Consegue o recurso aquí.

• 5º E 6º DE EDUCACIÓN PRIMARIA

1. Panel para falar sobre nós mesmos. Con este taboleiro e uns dados coñecerédesvos moito mellor en familia. Fai preguntas e contesta por quendas! Preme aquí para descargar.

2. Tarxetas de habilidades sociais. Consiste nunha serie de tarxetas que presentarán diferentes situacións para responder á pregunta: Que temos que facer? Descarga aquí.

3. Mímica. Os xogos de mímica son para todas as idades. Aquí tedes algunhas propostas para xogar co corpo e as palabras. Preme aquí.

A DIVERTIRSE! 😊