Trivial Matemático

Bo día!

Hoxe toca repasar as operacións básicas!

Para iso traémosvos este trivial matemático que vos vai permitir competir contra outro xogador online para ver quen é o máis rápido e o que mellor controla as operacións e a orde de operacións.

Para xogar deberedes seleccionar a resposta correcta de entre as 3 opcións que vos dan. Se queredes practicar un pouco antes de iniciar o xogo, poderedes facelo pulsando en PRACTICE. Para iniciar o xogo, deberedes pulsar ONLINE.

Moita sorte!

Labirinto de múltiplos

Bo día! 

Hoxe toca repaso de mates! Como xa dixemos en anteriores publicacións, é moi importante saber as táboas de multiplicar. Por este motivo, hoxe traémosvos un labirinto de números múltiplos. 

Para xogar, en primeiro lugar tes que escoller un número comprendido entre o 2 e o 12. Unha vez seleccionado, deberás seguir o camiño do labirinto sinalando todos os múltiplos de este número. 

Con este xogo non só repasarás as multiplicacións e as táboas de multiplicar, senón tamén as divisións entre números enteiros, comprobando que o resultado da división é tamén un número natural.

Moita sorte!

Math-Man

Bo día!

Coñecedes o famoso xogo do comecocos (Pac-Man)? Hoxe traémosvos unha versión matemática do mesmo: Math-Man.

O obxectivo do xogo é comer as pantasmas que teñen o resultado da operación que aparece na pantalla. As operacións poden ser sumas, restas, multiplicacións ou divisións.

As instruccións son moi sinxelas: 

• Emprega as flechas ←↑→↓ do teclado para mover ao Math man polo laberinto para ir en busca das pantasmas. Por exemplo:

           Aquí terías que comer a pantasma 44 que sería o resultado de restar 50 - 6

• Se cliqueas en PRACTICE GAME as pantasmas permanecerán inmóbiles.

• Se cliqueas en START as pantasmas se moverán.

• CONSELLO 1: a barra espaciadora permitirá dispersar as pantasmas, pero OLLO! non tes un número determinado de dispersións.

• CONSELLO 2: se comes unha estrela coma esta as pantasmas quedarán inmóbiles durante uns segundos.

Para xogar fai click na seguinte imaxe: 

Divisións 3º - 4º EP

Bo día!

Que tal estades a levar o confinamento?

Xa sabemos que as divisións poden resultar un pouco monótonas. Por este motivo, hoxe traémosvos ás nenas e nenos de 3º e 4º de primaria un xogo para practicar a división de maneira lúdica. 

O obxectivo do xogo é apuntar ás divisións que se corresponden cos resultados que temos na pantalla.

Para xogar empregaderes as flechas do teclado para moveros á dereita e á esquerda e para apuntar poderedes usar o rato ou pulsar a barra espaciadora ou a flecha que sinala cara arriba.

Tamén, se non estades moi seguros de todas as táboas, poderedes seleccionar cales queredes que aparezan nas divisións e a velocidade á que queredes que vaian saíndo as operacións: 

Esperemos que este xogo vos guste e vos axude a repasar as divisións! 

Moita sorte!

(Pulsa na imaxe para entrar no xogo)

Matemáticas

Traballando cos números! 💻🔢

Suma ➕, resta ➖, multiplica❌, divide➗, resolve problemas❔ e máis clickando no seguinte enlace. Unha vez realices as operacións comproba o resultado! ✅😉